أثار تصريحات احمد موسي عن سعر كيلو البصل غضب الشارع المصري، في ظل الأوضاع الاقتصادية وغلاء الأسعار وغياب الرقابة الحكومية.
وانتقد الإعلامي أحمد موسى شكوى المواطنين من تخطي سعر كيلو البصل 30 جنيها قائلا “البلد بتصدر البصل علشان توفر دولارات، ليه تروح تشتري شوال بصل هتعمل بيه إيه؟”.
وأضاف موسى”حد بيستخدم أكتر من بصلاية في الطبخة؟ ومحدش بيطبخ كل يوم، اشتري كيلو بصل حلو أوي”.
من جانبه قال المغرد إبراهيم بسيوني “الناس كلها زعلانة ان كيلو البصل وصل لـ ٣٠ج فى بعض الأماكن، بس مش واخدة بالها ان الدهب الوعاء الإدخارى الأكثر شيوعاً و إعتمادية زايد ١٧٠ج اخر يومين ولسا هيزيد اكتر، ومن إسبوعين البنك المركزي زود الفايدة ١٪، طب ما ده معناه ان انت داخل على تضخم جديد وزيادات اسعار فى كل حاجة مش البصل بس”.
وأضاف المغرد عادل المسلمي ” في مصركيلو المانجا بـ 20 ج وكيلو البصل بـ 30 ج”.
وقال حسين أبو صدام، نقيب عام الفلاحين، إن أسعار البصل ارتفعت بشكل جنوني؛ حيث زادت عن العام الماضي بمقدار 10 أضعاف، إذ باع مزارعو البصل الطن العام الماضي بقيمة ألف جنيه، ويُباع حاليًّا في المتوسط بعشرة آلاف جنيه، بينما يباع سعر طن البصل الأبيض للتصدير بـ14 ألف جنيه.
