انتقدت المخرجة المصرية كاملة أبو ذكري، تصرف الفنان بيومي فؤاد، بعد هجومه على الفنان محمد سلام، الذي اعتذر عن مسرحية” زواج اصطناعي”.
وكتبت كاملة أبو ذكري، عبر حسابها الشخصي على موقع التواصل الاجتماعي “الفيسبوك” قائلة:” الأستاذ الفنان إلي كنت واحده من محبيه لو حضرتك فاكر إنك لما تعمل عمل إتحضر و إتكتب و إتنفذ في تلات أيام و تروح تعرضه و ترقص و تغني و تضحك و بعد كده تأخد ألاف الدولارات”.
تابع:” لو ده بتسميه فن فأنا لا يشرفني إني أكون زميله لك في هذه المهنه، و لما تكون بتعرض التفاهات دي ده لا يشرف الفن المصري و لما تعرض التفاهه دي و جارك بيدبحوا أطفاله و نساءه و رجاله و تقولي الفن”.
واختتمت كاملة أبو ذكري كلامها:” يبقي ماعنديش كلام أقدر أقوله غير إن الإحساس و الفن نعمه إنتم أخر ناس تتكلموا عنها”.
وكان بيومي فؤاد، ظهر في فيديو عبر موقع تبادل الصور والفيديوهات “إنستجرام”، قال فيه: “من حقك أنك تعتذر عن المسرحية، لكن مش من حقك أنك تغلط في فنك.. إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا.. شئ عظيم إن أنا أخرج وإتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي”.
وتابع:” محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا”.
