ننشر نص تحقيقات واقعة انتحال شخص صفة لاعب نادى بيراميدز ونادى الأهلى السابق رمضان صبحى رمضان أحمد، المقيد بالفرقة الثالثة بمعهد الفراعنة للسياحة والفنادق، ودخول الامتحان بدلا منه، حيث جرى ضبط الواقعة فى اليوم الأول للامتحانات.
وإلى نص التحقيقات مع اللاعب رمضان صبحى:
س:ما هي علاقتك بالعاملين في معهد الفراعنة العالي للسياحة؟
ج: أنا معرفش فيهم حد ولا أعرف مكانه فين.
س: ماعلاقتك بأعضاء هيئة التدريس والعاملين ؟
ج: معرفش فيهم حد.
س: هل تقف علي أشخاصهم وهل من سمة علاقة بينك وبينهم؟
ج: أنا معرفش فيهم حد وكل علاقتي بالمعهد إثباتات القيد اللي كان بيجبهالي طارق المصري.
س: ماهي علاقتك بالمدعو طارق المصري؟
ج: أنا كل اللي أعرفه عنه إن اسمه طارق المصري ومعرفش اسمه بالكامل بالظبط ولا ساكن فين.
س: ماهي وظيفة طارق المصري؟
ج: هو المفروض إن هو وكيل لاعبين كرة وتسهيل انتقالهم بين الفرق والنوادي والاحتراف، وممكن نقول سمسار لاعيبه لانه ممكن بيجيب عقود وهكذا.
س: كيف قابلت طارق المصري؟
ج:هو انا بعد ما رجعت من انجلترا سنة 2019 الكابتن محمد الشناوي عرفني عليه، وهو مكانش علي تواصل كبير معايا.
س:هل كان محمد الشناوي علي علم بالذي يفعله طارق المصري؟
ج: لا هو وصلني بيه كصديق بس كان في 2019 تقريبا ومن ساعتها متكلمناش مع بعض غير في الماتشات.
س: ما علاقتك تحديدا بسالف الذكر؟
ج: انا وقتها كنت في النادي الأهلي وعلاقتي بيه كانت فقط بخصوص استخراج القيد والمعهد وكان بيرن عليا في الاعياد وكل مبحتاج إثبات قيد بكلمه وهوا كان بيطلب مني فلوس كل ترم.
س:ما مقدار تلك الأموال؟
ج:هو كان بياخد مني حوالي 30أو 40 ألف كل ترم من عام 2020.
س: وما كيف طريقتك تسليمك الأموال لطارق المصري؟
ج: هو الأول كان بياخد كاش وبعدين كنت بحوله علي برنامج انستاباي.
س/ ماظروف نشأتك الإجتماعية؟
ج/ أنا اسمي رمضان صبحي ونشأت من أسرة مكونة من أب وأم
س/ ما مؤهلك الدراسي تحديدا؟
ج/ أنا حاصل علي ثانوية عامة من 2016 ،والتحقت بعد كده بأكثر من معهد وأخرهم معهد الفراعنة العالي للسياحة والفنادق.
س: هل كنت دائم التحصل على اثباتات القيد من المعهد الفراعنة العالى للسياحة؟
ج: ايوه
س:وفيم كان استخدامك اياها؟
ج: كانت إجراء ضرورية لسفرى للخارج.
س:وما هى تلك الجهات الرسمية التى استخدمت واستعملت فيها تلك الاثباتات وقدمتها لها؟
ج/هوا أنا كنت بقدمها في منطقة التجنيد والجوازات، وموضوع إني بسافر عشان تصاريح سفري ومعسكرات التدريب.
س/ هل تحصلت علي تلك الإثباتات بشخصك؟
ج/ لا أنا كنت بجيبها من اللي اسمه طارق المصري وده كان مايخص سفريات المنتخب والنادي من خلال إداري النادي عندي، ولما كانت السفريات خاصة بيا أنا كنت باخدها منه بنفسي، وكنا بنتقابل تحت البيت عندي واخدها أو يسيبها مع أحد الإداريين بالنادي وأخدها منه.
س/ من الذي كان يساعدك في الحصول عليها؟
ج/ هو طارق المصري.
س/ وما كيفية مساعدته لك في ذلك الشأن تحديدا؟
ج/ هو كان بيروح المعهد يتعامل وكان بيجيبلي إثبات القيد وأنا معرفش حد غيره في الموضوع ده.
س/ ماهي السنة الدراسية أو الفرقة الدراسية التي وصلت ليها تحديد؟
ج/ معرفش أنا وصلت لسنة كان بالظبط.
س/ ما الذي حان دون ذلك؟
ج/ لإني مروحتش ولا مرة والموضوع كان في إثبات القيد لتسهيل السفر وكان طارق بيجبهولي ومكنتش بسأل.
س/ وهل مثلت بالحضور جميع الامتحانات الخاصة بالمعهد العالي للفراعنة والسياحة؟
ج/ مروحتش ولا مرة.
س/ كم عدد المرات التي قمت بأداء الامتحانات والحضور تحديدا؟
ج أنا مروحتش ولا مرة ولا أديت أي امتحان هناك.
