أكد الفنان المصرى الشاب محمد أنور، أنه يرفض تقديم المشاهد الجريئة من خلال أعماله، مبيننا أنه لا يفضل أبدا أن يقدم عملا يثير غضب أولاده، داعما تصريحات الفنان يوسف الشريف المتعلقة برفضه التلامس والمشاهد المثيرة في مجال الفن.
وقال: “أدعم يوسف الشريف بعد تصريحه عن التلامس ومش ندمان على تصريحاتي دي وسواء مقتنع بكلامه أو مش مقتنع هو حر في رأيه”.
وتابع: “الواحد مننا بيخاف لما أولاده يكبروا يشوفوا حاجة عن باباهم تضايقهم ومش هعمل أدوار فيها إثارة او تلامس ومش بحب الحاجات دي”.
وواصل: “لو بناتي طلبوا التمثيل هوافق لأني لو رفضت برضو هتعمل ده، وأهلي كانوا رافضين تمثيلي عشان شغلة مش مضمونة”.
واختتم: “أنا أصريت على التمثيل ودخلت مسرح الجامعة وأسرتي منعوا عني المصروف عشان كانوا بيقولوا ده مصروف الجامعة للتعليم وبيعتبروا انضمامي لفريق المسرح أني رايح العب”.
