كشفت المنتجة المصرية رنا السبكي، تفاصيل غياب الفنانة يسرا عن العرض الخاص لفيلم “الست لما”، موضحة أن يسرا موجودة خارج مصر، وحاولت بكل الطرق حجز تذكرة والعودة لحضور العرض، إلا أن ظروف سفرها حالت دون ذلك.
رنا السبكي: يسرا حاولت بكل الطرق تحضر عرض «الست لما»
وقالت رنا السبكي إن موعد نزول الفيلم تحدد بشكل سريع، وهو ما صعب على يسرا العودة إلى مصر في الوقت المناسب، مؤكدة: “هي حاولت بكل الطرق إنها تحجز وتيجي، ولحد يوم العرض الصبح كانت بتعمل محاولات عشان تقدر تيجي”.
وأضافت أن يسرا من المقرر أن تعود إلى مصر خلال الأيام المقبلة، على أن تلتقي الجمهور في عرض للفيلم، قائلة: “بإذن الله هتيجي مصر خلال الأيام اللي جاية، وهتعمل عرض مع الجمهور وإن شاء الله نتقابل فيه”.
رنا السبكي عن اجتماع نجوم فيلم الست لما: توفيق من ربنا
وعن كيفية نجاحها في جمع هذا العدد من النجوم داخل فيلم واحد، أوضحت رانا السبكي أن الأمر كان توفيقا من الله، خاصة أن السيناريو كان يحمس كل من يقرأه للمشاركة في العمل.
وقالت: “هو كان توفيق من ربنا، الحمد لله، السكريبت كل ما بنعطيه لحد كان يتحمس للفكرة جدا، وطبعًا فكرة ووجود الأستاذة يسرا كان عامل جذب قوي جدا، فالحمد لله ربنا وفقنا وقدرنا نجمع كل النجوم اللي معانا”
رنا السبكي عن ندى شقيقتها: دخلنا الشغلانة سوا
وتحدثت رنا السبكي عن شقيقتها ندى، مؤكدة إنهما بدأتا مشوارهما في مجال العمل الفني معا، وأن والدهما كان سببا في دخولهما المجال.
وقالت: “أنا وندى دخلنا الشغلانة سوا، أول ما اتعلمنا حاجة في الشغلانة كنا مع بعض، طبعا ندى أختي، وإحنا دخلنا على حس الوالد، والحمد لله بقالنا سنين بنتعلم حاجات كتير في الشغلانة، وكل واحد بيحاول يكمل”.
رنا السبكي: كل ست هتتفرج على الفيلم هتلاقي حاجة تخصها
وأكدت رنا السبكي أن فيلم “الست لما” يتناول مجموعة من القضايا النسائية، لكن في إطار كوميدي، مشيرة إلى أن الأحداث لا تقتصر على النساء فقط، لأن القضايا التي يناقشها العمل تمس الرجال أيضا.
وقالت: “أعتقد أي ست هتتفرج على الفيلم هتلاقي حاجة تخصها، وإحنا عاملينه بشكل كوميدي، كل حاجة في الفيلم عاملينها بشكل كوميدي”
وأشارت إلى أن الفيلم يناقش قضايا نسائية، لكنها في النهاية قضايا مرتبطة بالعلاقات بين الرجل والمرأة، مضيفة: “قضايا نسائية بس هي طبعًا بالتالي هتبقى بتخص أي راجل، لأن هي فكرة أي اتنين قابلوا بعض”.
