هاجم اللاعب أحمد حسام ميدو نجم مصر السابق، هاني زادة عضو مجلس إدارة الزمالك السابق، بسبب صفقة انتقال محمد إبراهيم لاعب القلعة البيضاء السابق وزد الحالي، لـ ماريتيمو البرتغالي، وبنود العقد.
وقال ميدو عبر شاشة (النهار): «صفقة محمد إبراهيم اللي هي الصفقة المشبوهة اللي هاني زاده عضو الزمالك السابق سافر البرتغال وعمل صفقة (لو اللاعب اتباع لأي نادي بأي رقم الزمالك يسدد للنادي البرتغالي مليون دولار)».
وتابع: “اللي حصل في الزمالك فضيحة.. وكم الفساد والناس اللي بتقبل فلوس مش حقها عرفني ليه الناس بتقطع بعضها على العمل العام وفي الأندية وللأسف قطاع كبير بيفكر إزاي يستفيد ويكسب مش يخدم”.
وواصل: “في مخالفات مالية في الزمالك بعض الأشخاص متورطين فيها وتصل لملايين الملايين من الجنيهات”، مشيرا: “إزاي الموضوع بالبجاحة دي.. في مخالفات مالية تخص الفريق الأول.. لما تشوف الورق ماتصدقش إن الناس عملت الكلام ده بالصورة دي والبجاحة دي”.
