هاجم عبد العليم داود ،عصضو مجلس النواب، حكومة مصطفى مدبولين متهما الحكومة بأنها تبيع البلد، في ظل برنامج الطروحات الحكومية لبيع 32 شركة لمتثمرين عرب وأجانب.
وقال داود، الحكومة “بتفرط” فى مقومات البلد ومقدرتها .. حكومة بتبيع مصانع مصر .. حكومة “بترهن” البلد للخارج بقروض تدمرنا .. دا مصر أصبحت “زبون سهل” لبلاد الدين وصندوق الدين ، لأن مافيش حد بيفكر.
برلمانية مصرية : لابد للحكومة من اتخاذ مزيد من الاجراءات لتخفيف العبء عن المواطنين
وأضاف داوود ، خلال الجلسة العامة بمجلس النواب، برئاسة حنفى جبالى ، أثناء مناقشة تقرير لجنة الخطة والموازنة عن كلا من : (مشروع خطة التنمية الإقتصادية والإجتماعية ، ومشروع الموازنة العامة للدولة ، ومشروعات موازنات الهيئات العامة الإقتصادية والهيئة القومية للإنتاج الحربى) للعام المالى 2023/ 2024 .
وتابع “داوود” قائلا : “حكومة بتقدم موازنة مصر نصفها قروض .. مصر الكبيرة .. مصر بمواردها .. مصر اللى فيها كام مليون خريج جامعة .. مصر اللى فيها كام خريج حاصل على دكتوراة وماجستير .. مصر اللى فيها كام مصنع من قبل 52 ومن بعد 52” .
مصر: حزب معارض يطالب بسحب الثقة من حكومة مدبولي
وإستكمل “داوود” حديثه مهاجما “الحكومة” قائلا : “حكومة بتبيع البلد .. حكومة بتفرط فى مقومات البلد ومقدرتها .. حكومة بتبيع مصانع مصر .. حكومة بترهن البلد للخارج بقروض تدمرنا .. دا مصر أصبحت زبون سهل لبلاد الدين وصندوق الدين ، لأن مافيش حد بيفكر” .
مصر: حكومة مدبولي تتوقع معدل نمو متراجع
وتسائل “داوود” قائلا : “أحنا النهاردة المفروض مطالبين بسداد كام قروض ، وكام فوائد قروض ؟!!” ، مستكملا : “أحنا عند إستخدامات 4 مليار .. أحنا لسه ناويين نجيب قروض ونفرض ضرائب على المدرس ونخفض قيمة الأدوية فى التأمين الصحى .. الأدوية اللى عندنا ملايين المواطنين واقفين طوابير محتاجين العلاج ومش لاقيينه ، وبتاع التأمين الصحى بيقولى أنا بنفذ أحكام قضائية ، والشراء الموحد موقف كل حاجة ، الشراء الموحد موقف الدعامات ، الشراء الموحد موقف المفاصل .. وللآسف مصر فى كل مرة من عهد لعهد ، مرة عهد مراكز قوى ، والنهاردة عهد إيه ؟!!” .
وفى نهاية كلمته أعلن “داوود” : رفضه لمشروع الموازنة ، قائلا : “أنا مش جاي هنا علشان فرحان بموقع ولا بمكان .. أنا قبل أي حاجة عندى ضمير .. وأرفض أن أتآمر على الشعب بموافقة على هذة الموازنة”.
