تصدرت الفنانة جوري بكر تريند محرج البحث جوجل بعدما أثارت الجدل بشأت تصريحاتها عن زواج ذوى الهمم، حيث كشفت عن اعتراضها على هذا الزواج وذلك تزامناً مع زواج الناشطة بحقوق ذوى الإعاقة سما رامى، وهو ما أثار حالة من الغضب الواسع والانتقادات.
تصريحات جوري بكر
قالت جوري بكر في تصرحيات إعلامية: “أنا ضد زواج ذوي الهمم، شوفت بوست واحدة من ذوي الهمم بتتجوز، هل ده في شرع ربنا؟ هل دول يجب عليهم الزواج؟ ولا الناس بتاخد الكلام على مزاجها؟”.
وأضافت: “عشان لو ده حصل، يبقى حرام وربنا ميرضاش بيه، الأطفال الأبرياء دول مش بيتجوزوا، من إمتى الداون بيتجوز؟!”
من جانبها، ردت الفنانة جيلان علاء على تصريحات جوري بكر بشأن زواج قريبها أدهم تامر بالناشطة سما رامي، وقالت إن القرار نابع من رغبتهما.
وكتبت الفنانة جيلان علاء عبر صفحتها على “فيس بوك”: “أنا معلش أحب أرد بس بصفتى بنت خالة أدهم تامر العريس فقرار جواز سما و أدهم دة قرار إتنين بالغين عارفين هما بيعملوا إيه وليهم أحاسيس ومشاعر وبنى أدمين و ليهم أهل مثقفين و متعلمين وعارفين ولادهم بيعملوا إيه”.
وتابعت جيلان علاء: “خالتى والدة أدهم الدكتورة ندى أبو المجد دى من أشطر وأشهر دكاترة الإدمان فى مصر ووالدة ووالد سما ناس متعلمين ومثقفين ومحترمين وعارفين هما بيعملوا إيه كويس أوى .
وأختتمت حديثها: “طالما الزيجة دى مش هتضر حد فى حاجة يبقى بلاش نعكر فرحتهم ولا فرحة أهلهم عشان إحنا كلنا كنا فرحانين ومبسوطين من قلبنا عشان دول أنقى وأطهر من خيالكوا، واتمنوا لهم الخير والفرحة والسعادة وبس”.
