كشفت شهادة أحد المعتقلين السابقين و الناجين من جريمة الاختفاء القسرى مصطفى أحمد، وصديق الناشط الطلابي والحقوقي معاذ الشرقاوى الذي اعتقل قبل أيام ومازال مختي قسريا، عن انتهاكات واسعة من قبل قوات الأمن المصرية بحق المعتقلين.
طرق التعذيب في معتقلات مصر
وقال مصطفى أحمد في “عارفين ليه مفيش ابشع من تجربة الاختفاء القسري، لو مجربتش ومش عارف تعالي أقولك ليه واحدة واحدة، عارف يعني ايه تتغمي بقماشة عطنة معفنة بالأيام وساعات بالشهور، وطول الفترة دي انت بيتحقق معاك وبتتكهرب ف سنانك؟”.
منظمة حقوقية دولية تطالب بوقف الانتهاكات وحفلات التعذيب في سجن ليمان المنيا
وتابع مصطفى قائلا: “طب تخيل معايا وانت بتتكهرب في عضوك الذكري او خصيتك وبتتكهرب في صرتك وصدرك، طب سمعت قبل كدا عن مرتبة السعادة؟ دي مرتبة حديد بتنام عليها والكهربة تشتغل، طب تخيل انك لابس طاقية حديد بتكهربك في مخك، طب جربت الكرسي والسرير الحديد وانك تتكتف فيهم وتتكهرب؟”.
جرائم التعذيب
وأضاف صديق المعتقل معاذ الشرقاوي”طب جربت حد يقلعك ملط في عز التلج وتتحط تحت التكييف وتموت من البرد؟.. طب جربت تتعلق شنطة بالأسبوع وتتعلق زي الخروف ومتنمش بالأيام لحد ما تهلوس وتخرف؟.. جربت تنام علي دكة وتتربط وتتكهرب من تنجر بيعلي الفولت علشان الفولت العادي مش هيعذبك علي مزاج الباشا ولما يعلي هيعذبك صح ويقولك اجمد ياض احنا بنخدمك؟”.
مصر: اقدام 200 سجين على الانتحار في سجن بدر بعد التعذيب الشديد
التهديد بالعائلة
وأردف مصطفى قائلا “طب جربت تتجرد من كل هدومك وتتعذب بخرطوم او عصاية مع الكهربة وميسبكش غير لما تقول انا مسخ وانا مره؟… طب جربت تتهدد بأمك واختك ومراتك؟”.
وأضاف “طب جربت حرفيا تتمني الموت لانه بالتأكيد هيكون اهون عليك من اللي انت فيه، طب جربت تكون مسجون وعايش مع ناس بالشهور وتصحي تلاقي زميلك في الزنزانة ميت؟ طب جربت تخسر ماضيك وحاضرك ومستقبلك لمجرد انك عندك ملف أمني؟ جربت تعيش مطارد؟ طب جربت اقتحام الأمن لبيتك في عز الفجر؟”.
