أعلن الفنان تامر حسني، عن قرار جديد اتخذه لشهر رمضان، وهو عدم نشره فيديوهات أغاني تقديرًا للشهر الكريم.
وكتب تامر حسني في منشور عبر صفحته الرسمية بموقع «فيسبوك»: «الاستوري الشهر ده إن شاء الله فيه كلام مهم نسمعه كلنا ونعرفه ونعرّفه لبعض»
وتابع تامر حسني: «عشان نكون سبب خير لبعض إن شاء الله كل سنة وإنتوا طيبين ويارب في الشهر الفضيل ده كل حد فيكوا طلب حاجه من ربنا ربنا يحققهاله ويفرح قلبه بيها إن شاء الله قولوا آمين وإدعوا كتير .. رمضان كريم».
وفي منشور آخر أعلن حسني من خلاله عدم نشر فيديوهات أغاني في رمضان، عبر خاصية الستوري، قائلًا: «يا شباب في الشهر ده معلش مش هنزل أغاني وده آخر فيديو وصلي بنزله دلوقتي.. وحقيقي ماشاء الله عليك أحسنت صوت وإحساس».
وأشاد بأداء شاب يغني، قائلًا: «وشخصية في الغناء جميلة وقبول جميل ربنا يوفقك يا حبيبي والله لمسك قلبي بإحساسك واختيارك للأغنية دي تحديدًا».
واختتم: «إن شاء الله في العيد هرجع أنزل كل فيديوهات حبايبنا الموهوبين بزيادة.. رمضان كريم على الجميع».
