طالب المحامي الحقوقي أحمد فوزي، بالإفراج الفورى عن شباب حملة أحمد طنطاوى الذين تم القبض عليهم في تهمة التوكيلات المزورة ، ذلك بعد اعلان مصدر أمني ضبط 8 أشخاص بنطاق محافظات الإسكندرية، الجيزة، الفيوم والسويس، أثناء قيامهم بتحرير توكيلات مزورة لصالح أحد المرشحين المحتملين للانتخابات الرئاسية، ووضعهم توقيعات عليها؛ للإدعاء بأنها صادرة عن مكاتب الشهر العقاري.
وقال فوزي : “طلبت من زملائى فى المكتب فى حالة عرضهم على نيابة أمن الدولة اتبلغ علشان أحضر معاهم، وده رغم خلافى مع خطاب طنطاوى، ومع حتى خلافى لتحرك الأخير اللى بيتحرر فى توكيلات شعبية بمرور مجموعة من الشباب على المواطنين خلاف سياسيى وقانونى”.
وتابع المحامي الحقوقي: “لكن مع الإفراج الفورى عن كل المحبوسين ومع كامل حقه فى جمع التوكيلات هو والاستاذة جميلة إسماعيل، أما الخطاب اللى بيتهم كل من يكمل الانتخابات، بلغة فيها تجاوز سياسيى وأخلاقى، وخطاب فاشي، أنا كويس وغيرى كخة ده مش وقته بالنسبة لى”.
وأضاف: “كل يوم خطاب فريد زهران اللى قاله فى يوم ترشحه، ومع عمرو أديب وفى لقاءات عديدة بيقول إنه مرشح معارض لسلطة وتاريخه بيقول كده، لما تختلف مع آلية ترشيحه أنت حر، لما تختلف مع خطابه أنت حر، تشوف فريد شخص لا يصلح أصلا لترشح أنت حر، إنما وصف فريد زهران إنه كومبارس ده لا يليق، وأنا بقول كده زى ما قولت بالظبط على حمدين صباحى فى 2014، اللى كان بيقولى حمدين كومبارس كنت بقوله اللى زى حمدين ميتقالش عليه كومبارس وايدته وساندته”.
واختتم: “إذا كان فى تجربة المفروض نطلع بها من السنوات السابقة إن المسارات المختلفة ممكن القوى الديمقراطية تستفيد منها، وإن المعارك اللى ممكن توصلنا لحالة صفرية إحنا مش حملها، وإننا عندنا معركة كبيرة اسمها إعادة الاعتبار للمجال العام ولسياسة الناس تخوضها بطرق مختلفة”.
وصرح مصدر أمني أنه تم امس الاثنين ضبط 8 أشخاص بنطاق محافظات الإسكندرية، الجيزة، الفيوم والسويس، أثناء قيامهم بتحرير توكيلات مزورة لصالح أحد المرشحين المحتملين للانتخابات الرئاسية، ووضعهم توقيعات عليها؛ للإدعاء بأنها صادرة عن مكاتب الشهر العقاري.
وأضاف المصدر أنه عثر بحوزة المذكورين، على 596 نسخة من التوكيلات المزورة “خالية البيانات”، مشيرا في الوقت نفسه إلى أنه أمكن تحديد وضبط صاحب المطبعة التى قامت بطباعة التوكيلات المزورة .
