يعيش المصريين حالة من الغضب العارم بعد تلف طلمبات سياراتهم بسبب البنزين المغشوش
وقال رواد السوشيال ميديا على صفحاتهم ” طرمبة البنزين من القطع الحيوية في العربية، ولو حصل فيها مشكلة ممكن تكلفك كتير. علشان كده، جمعنالك شوية نصايح بسيطة تحافظ بيها عليها لأطول فترة ممكنة:
- ما تخليش البنزين يوصل للآخر
تشغيل العربية والبنزين قليل بيخلي الطرمبة تسحب رواسب ممكن تسدها أو تبوظها.
ADVERTISEMENT
- غيّر فلتر البنزين بانتظام
الفلتر النضيف بيقلل الحمل على الطرمبة وبيحافظ على دورة البنزين.
- استخدم إضافات البنزين من وقت للتاني
الإضافات بتساعد على تنظيف دورة الوقود وبتقلل التراكمات اللي بتأثر على كفاءة الطرمبة.
- اختار نوع البنزين المناسب لعربيتك
البنزين الغلط ممكن يسبب احتكاك أو تآكل أسرع لأجزاء الدورة كلها.
