أثارت قضية المخرج عمر زهران، واتهامه بسرقة مجوهرات الفنانة التشكيلية شاليمار شربتلي، زوجة المخرج خالد يوسف الجدل خلال الفترة الماضية، وخصوصًا بعد مساندة العديد من الفنانين والإعلامين له، ومن بينهم الإعلامية بسمة وهبة، ولكن سرعان ما تداول رواد السوشيال ميديا تسجيل صوتي منسوب لها أثناء مكالمتها مع شاليمار شربتلي.
وكشفت المكالمة التي جمعت بينهما العديد من الحقائق، حيث حاولت الإعلامية بسمة وهبة الدفاع عن نفسها، وقالت: «مش عايزة اللي بيحصل اليومين اللي فاتوا مني أو من أي حد يكون ضايقك، لأني عايزة تتكلم معاكي ومتكونيش متضايقة»، وهنا وجهت لها شاليمالر سؤال «أنت جبتي رقمي منين أنا رقمي مش عندك»، ردت بسمة قائلة: «خدته من مهاب».
مكالمة نارية بين شاليمار شربتلي وبسمة وهبة
وبدأت بسمة وهبة توجيه حديثها لشاليمار قائلة: «بصي يا شاليمار أنا وأنت لو قعدنا اتكلمنا عمر عمل كده أو معملش هنختلف لأني مكنتش موجودة، وعشان منختلفش أنا بقول أنه برئ وأنت بتقولي أنه مدان» وهنا قاطعتها شاليمار بانفعال، قائلة: «لو هنبتدي الكلام بالإدانة لأى طرف من الأطراف غير عمر انا هضطر أقفل التليفون”.
وتابعت: “أنت كده بداية الكلام بتخبطي في النيابة والمباحث والقضاء، وأنا ست سعودية احترم هذا الوطن العظيم وده قرارهم بعد اتهامي لعمر وبعد شكي فيه بعد ما جاب عنتر، وهما اللي أقروا ده فلو حضرتك عندك أي اختلاف في وجهة النظر ضد بلدك وقضاء بلدك أنا مش ممكن اتكلم معاكي في حاجة، يبقي مينفعش تقولي عمل أو معملش، نقول هو عمل هي دي الحقيقة والمجوهرات كانت في بيته، وأنت زورتي شهادتك أمام المحكمة وقولتي أني اديتك حاجات وخلال معرفتي بعمر 14 سنة أنا لا عمري قابلتك ولا عمري شوفتك ولا عمري شوفت أن عمر أصلا قابلك»، لترد بسمة قائلة: «أقسم بالله ما قولت كده»
تفاصيل اتهامات بسمة وهبة لخالد يوسف
واستكملت شاليمار حديثها قائلة «أنت لما تخرجي تقولي أن عمر برئ، وأن خالد بيسرق مني أنت السيناريو ده جبتيه منين، أصل الموضوع ده جبتوه منين، وده اتقال في المحكمة»، وردت بسمة قائلة: «أنا متصلة عايزة أخلص الموضوع ده لأن عمر بيموت».
وأكدت شاليمار عن نيتها التنازل، وقالت: «يرجع المجوهرات ويقول مين شريكه وأنا اتنازل، وفي حاجات كتير مطلعتش، انا مدتلهوش حاجة، ازاي أدي لراجل سلسلة ألماظ”.
وأوضحت شاليمار: “أنت بتجيبي سيرة خالد يوسف، أجيبلك تاريخك، أنا اعرف كتير ومش بحب خرق القانون، اطلعي علي الهواء وقولي مين اللي بيدبر المؤامرة علي خالد يوسف، أنت زورتي قدام المحكمة شهادتك، أنا عاملة لخالد توكيل بيع وشراء من 2014 بكل ما أملك، أنت عشان تخرجي واحد براءة تخربي بيتي».
وكانت قد أجلت محكمة مستأنف الجيزة، يوم الأربعاء 25 ديسمبر الجاري أولى جلسات الاستئناف المقدم من المتهم عمر زهران على الحكم الصادر ضده بالحبس سنتين مع الشغل في قضية سرقة مجوهرات الفنانة التشكيلية شاليمار شربتلي زوجة المخرج خالد يوسف، إلى جلسة 8 يناير المقبل.
ووصل المخرج عمر زهران إلي مقر محكمة مستأنف الجيزة، وسط حراسة أمنية مشددة لحضور أولي جلسات استئنافه علي الحكم الصادر ضدة بالحبس سنتين مع الشغل وبرفقته المحامي صلاح حسب الله، المُوّكل الجديد للدفاع عنه.
طلبات دفاع عمر زهران في الجلسة
وتقدم أحد المحامين من هيئة الدفاع الخاصة بالمخرج عمر زهران، أمام محكمة مستأنف جنوب الجيزة، بطلبات إلى هيئة المحكمة للدفاع عن موكله في اتهامه بسرقة مجوهرات شاليمار شربتلي زوجة المخرج خالد يوسف.
وتمثلت طلبات الدفاع في الآتي:
تحديد آخر موقع تواجد عمر زهران عن طريق موقع الخرائط جوجل
حضور شاليمار شربتلي وسماع أقوالها وزوجها المخرج خالد يوسف
تفريغ كاميرات المراقبة المحيطة
إحضار المستندات الدالة علي ثبوت ملكية المجوهرات المتواجدة داخل مسكن عمر زهران
سماع شهادة مدير أمن الكومبوند
سماع شهادة الفنان عمر سعد
سماع شهادة ضابط التحريات
وقد تداول رواد مواقع التواصل الاجتماعي في مصر تسجيلًا صوتيًا يُزعم أنه بين الفنانة التشكيلية شاليمار شربتلي والإعلامية بسمة وهبة، حيث احتدم النقاش بين الطرفين على خلفية قضية عمر زهران، الذي يواجه اتهامات بسرقة مجوهرات.
ورغم انتشار التسجيل على نطاق واسع، إلا أنه لم يتم التحقق من صحته أو مصدره حتى الآن.
لم يصدر عن أي من الطرفين أو الجهات الرسمية أي تعليق يؤكد أو ينفي صحة التسجيل أو فحوى المحادثة.
في التسجيل، بدأت بسمة وهبة بالحديث قائلة: “أنا مش عايزة تكوني متضايقة وزعلانة مني، أنا جبت رقمك من مهاب. بصي يا شاليمار، لو قعدنا واتكلمنا في مين عمل كده، عمر أو غيره، هنختلف مع بعض، خلينا…”، لتقاطعها شاليمار برد حازم: “لو هنبدأ الكلام في إدانة غير عمر، أنا هضطر إنّي أقفل الموبايل. عمر متهم والقضاء أثبت ده وأنا أحترم القضاء المصري”.
شاليمار تابعت قائلة: “أنا معايا قرار من المحكمة بيقول إنه سرق، والمجوهرات كانت في بيته. وأنا طول السنين اللي صاحبت فيها عمر عمري ما شفتك ولا أعرفك أساسًا. وأنتِ روحتي المحكمة وجبتي سيرة خالد يوسف”.
في المقابل، نفت بسمة وهبة الادعاءات الموجهة ضدها، قائلة: “أقسم بالله ما قلت كده”، إلا أن شاليمار ردت بعصبية: “إزاي تطلعي تتهمي خالد إنه هو اللي سارق وإنه حرامي؟”. حاولت بسمة تهدئة الحوار قائلة: “أنا عايزة أخلص الموضوع ده، لأن عمر بيموت في السجن”، لترد شاليمار: “مش هتنازل غير لما يرجع المجوهرات ويعرفنا مين كان معاه وشريكه، غير كده لا”.
شاليمار أشارت إلى وجود شريك محتمل لعمر زهران، قائلة: “عمر أخد حاجات تخليه يعيش طول العمر مرتاح، وأنا عايزة أعرف مين ساعده يخرج الحاجات دي برة البلد. وفي حاجات كتير مطلعتش، سلاسل ودهب وألماظ”.
وأضافت: “بتجيبي سيرة خالد يوسف ليه؟ بتخربي بيتي ليه؟ وليه جايبة تاريخ خالد؟ تقولي عليه كده ليه؟ أنا أعرف عنك كتير ومش بتكلم عليكِ ولا أعرفك أساسًا”.
وأوضحت شاليمار أنها تكن احترامًا كبيرًا لخالد يوسف، قائلة: “على فكرة أنا عاملة لخالد توكيل بكل أملاكي من سنة 2014 لأنه راجل شريف ومحترم وأنا بحبه”. وردت بسمة بأنها كانت تسعى للشهادة مع عمر زهران قائلة: “أنا كنت رايحة المحكمة عشان أشهد مع عمر لأنه صديقي وراجل محترم”.
اختتمت شاليمار النقاش قائلة: “كفاية يا بسمة، أنا مش هتنازل غير لما عمر زهران يعترف ويقول مين ساعده ومين كان معاه”.
